श्री भैरवाश्रम माध्यमिक विद्यालयमा नयाँ विद्यालय व्यवस्थापन समिति गठन

Published Dec 15, 2025

पुरानो विद्यालय व्यवस्थापन समितिको ३ वर्षे कार्यकाल समाप्त भएसँगै मिति २०८२ मङ्सिर २९ गते सोमबारका दिन श्री भैरवाश्रम माध्यमिक विद्यालयमा नयाँ विद्यालय व्यवस्थापन समिति (वि.व्य.स.) गठन गरिएको छ।

गण्डकी गाउँपालिका वडा नं. ३ का वडा अध्यक्ष श्री सुवास पन्त ज्यूको प्रमुख आतिथ्यमा आयोजित कार्यक्रममा पुरानो विद्यालय व्यवस्थापन समितिलाई सम्मानपूर्वक बिदाई गरिएको थियो। साथै अभिभावकहरूको सहभागिताबाट ४ जना सदस्यहरू छनोट गरी नयाँ विद्यालय व्यवस्थापन समिति गठन गरिएको हो।

नवगठित विद्यालय व्यवस्थापन समितिका पदाधिकारीहरू यसप्रकार रहेका छन्:

१) अर्जुन तिवारी

२) राजन सापकोटा

३) कमला श्रेष्ठ

४) लिलामायाँ बराम

यसै अवसरमा अभिभावक दिपेन्द्र पन्तको संयोजकत्वमा ३ सदस्यीय सामाजिक लेखा परीक्षण समिति पनि गठन गरिएको छ। उक्त समितिमा निम्न सदस्यहरू रहेका छन्:

सामाजिक लेखा परीक्षण समिति:

• दिपेन्द्र पन्त — संयोजक
• कुनिता सिंखडा — सदस्य
• हिरा मायाँ बराम — सदस्य

नवगठित विद्यालय व्यवस्थापन समिति तथा सामाजिक लेखा परीक्षण समितिका सम्पूर्ण पदाधिकारीहरूलाई हार्दिक बधाई दिँदै सफल कार्यकालको शुभकामना व्यक्त गरिएको छ।